வினைத்தொகை

வினைத்தொகை (பெ)

பொருள்

பெயர்ச்சொற்களின் ஒரு வகை. இவ்வகையான பெயர்ச்சொல்லில் ஒரு பகுதியானது மூன்று காலத்துக்கும் பொருந்திவருமாறு வரும் வினைச்சொல் ஒன்று அடங்கிய பெயர்ச்சொல்.

மொழிபெயர்ப்புகள்

விளக்கம்

ஒரு பெயர்ச்சொல்லில் ஒரு பகுதி மூன்று காலத்துக்கும் பொருந்திவருமாறு வரும் வினைச்சொல் அடங்கிய பெயர்ச்சொல். எடுத்துக்காட்டாக ஊறுகாய் என்பது ஊறின காய், ஊறுகின்ற காய், ஊறிய காய் என முக்காலத்துக்கும் பொருந்தி வருமாறு அமைந்த ஊறு என்னும் வினைச்சொல் அடங்கிய பெயர்ச்சொல்.
விடுகதை, தொடர்கதை, பொங்குகவிதை, சுடுசோறு, குடிதண்ணீர், விரிகடல், வெடிகுண்டு, வளர்பிறை, தேய்பிறை, இடுகாடு, எரிதழல், ஊதுகுழல், புனைபெயர்
வினைத் தொகையில் காலம் மறைந்து வரும்

பயன்பாடு

எரிந்த, எரிகின்ற, எரியும் தழல் எரிதழல்- இது வினைத் தொகை. நேற்றும் எரிந்த தழல்; இன்று எரிகின்ற தழல், நாளை எரியும் தழல் என முக்காலமும் உணர்த்தும். எரிகின்ற தழலில் எண்ணெய் ஊற்றினாற் போல- எரிகின்ற என்பதில் காலம் வெளிப்படை. இது தொகையாகாது (மொழிப் பயிற்சி-25: பிழையின்றித் தமிழ் பேசுவோம், எழுதுவோம்!, கவிக்கோ ஞானச்செல்வன், தினமணிக்கதிர், 06 பிப் 2011)
ஆழ்கடல். இதனை வினைத்தொகை எனலாம். ஆழமாய் இருந்த கடல், ஆழமாய் இருக்கும் கடல், ஆழமாய்ப் போகும் கடல். (மொழிப் பயிற்சி-24: பிழையின்றித் தமிழ் பேசுவோம், எழுதுவோம்!, கவிக்கோ ஞானச்செல்வன், தினமணிக்கதிர், 30 சன 2011)

(இலக்கியப் பயன்பாடு)

(இலக்கணப் பயன்பாடு)

ஆதாரங்கள் ---வினைத்தொகை--- DDSA பதிப்பு + வின்சுலோ +