கிண்ணி

ஒலிப்பு


(கோப்பு)

பொருள்

கிண்ணி (பெ)

கிண்ணம் என்பதன் பேச்சுவழக்கு
கத்தியின் கைப்பிடி உறை
நண்டின் கால்
நாயின் கிண்ணிக்கால்
பசு முதலிய ஒருசார்விலங்குகளின் குளம்பின் மேல் உள்ள திரட்சி

மொழிபெயர்ப்புகள்

ஆங்கிலம்

small metal bowl/cup, as perhaps producing a tinkling sound when struck
cover of the hilt of a sword
any one of the eight small legs of a crab
extra claw on the hind leg of some dogs
horny protuberance above the hoof and on the hind part of the leg of certain animals, as the ox, deer, etc
Military: 'Pincer' movement

விளக்கம்

பயன்பாடு

வெள்ளிக் கிண்ணி - (small) silver bowl
ஊரூருக்கு தட்டு தாம்பாளம் கிண்ணி கெடாரம்னு தூக்கியார முடியுமா? ([1])
சின்னக் கிண்ணி! உள்ளே பால் கொஞ்சமாக இருந்தது. (காதல் நெருப்புகள், புஷ்பா தங்கதுரை)
தன்னை பெற்ற தாய் கிண்ணி பிச்சை எடுக்க மகன் கும்பகோணம் போய் கோதானம் செய்தானாம். (பழமொழி)
திரட்சியான ஐந்து மாதங்களுக்கெல்லாம் வளைகாப்பு, மறுபடி சீமந்தம். பிரசவம், 9ம் நாள் காப்பு அடித்துப் போட வேண்டும். புண்ணியாவசனம்! குழந்தை இடுப்புக்கு அரைஞாண், கழுத்துக்குச் சங்கிலி, தொட்டில் சங்கிலி, கொசுவலை, வெள்ளிப் பாலாடை, குழந்தைகளுக்குச் சாதம் பிசையக் கிண்ணி, தண்ணி குடிக்கக் கிண்டி, இன்னும் இருபதாயிரம் சாமான்கள், பெண்ணுக்குப் புடவை, இவைகளுடன் பெண்ணையும் குழந்தையையும் கொண்டு போய்விட வேண்டும். (மாப்பிள்ளை, எஸ்.வி.வி)
கிண்ணி கிண்ணியாய் பூ பூத்தும் அண்ணி தலைக்கு அது வராது. அது என்ன? - ஊமத்தம்பூ(விடுகதை)
பால் குடிக்கக் கிண்ணி,

பழந்திங்கச் சேணாடு

நெய் குடிக்கக் கிண்ணி,

முகம் பார்க்கக் கண்ணாடி

கொண்டைக்குக் குப்பி

கொண்டு வந்தான் தாய்மாமன் (தாலாட்டுப் பாடல்கள்)

கிண்ணி போல் சந்திரரும்

கிழக்கே பார்த்த சூரியரும் ([2])

(இலக்கியப் பயன்பாடு)

(இலக்கணப் பயன்பாடு)

ஆதாரங்கள் ---கிண்ணி--- DDSA பதிப்பு + வின்சுலோ +

சொல் வளப்பகுதி

:கிண்ணம் - # - # - # - #